我的興趣之一：睇樓

睇樓是我的日常興趣之一，中學時，已開始跟亞媽出去睇，直到現在，平日就常睇有關的網頁，專欄，實盤，示範單位等，熟到可以直接為該單位估價。有時，見到低過市價的盤，打電話去問，原來都是有點問題，如：未交吉，連低於市值的租約，頂樓、電梯不到等等。

每到一個單位，要留意該單位的：實用比例，尺數，座向，足雊的光線，屋外的環境，管理費，交通方便，或地點是否保值，感覺是否舒服，最好帶定指南針及尺，隨時可以量度。

我每搬到一個新的地區，就會留意附近的樓價，保持對樓市的触覺，所謂知己知彼，勝卷在握。因為樓價會直接影響個人的財富，要在適當的時間做買賣，將資產增值套現或轉移到較保值的物業。

最近睇樓，出現不正常的情況，每當出價時，業主總是反價，或今日睇樓，明天出價，已經賣了， 浪費時間之餘，人也覺得好煩，又要再睇過。樓市現已是 Seller Market, 賣方主導價錢，不驚找不到買方，真是風水輪流轉。